Горово би дёнчадяӈав

Урикитту унэмэмэ тэгэрэ,
Некэллэ упкат ӈэнэдэвэр.
Хуламаду торгаду мелит дукувча:
Верховнайва Советва симнадяӈавун!

Бэлду куӈакар инедерэ.
Поталду энинтын подаркилва нэдерэ.
Упкат орорвор ленталди удыре,
Орор гороло хуктыдеӈэтын.

Икэвун игдыт ултадяран,
Урэлдули гороло дегденэ.
Бюллетенилвар будэвэр
Эвэнкил совет гулэткин хэлиндерэ.

Хунил сэвдепчу дэрэчил
Мэрӈилвэр онавар ӈэнэвдерэ.
Омолгил сокакун тэпкэдерэ,
Орор химат хуктыдэтын.

Дылача иманнали туксадяран,
Нуӈан умукэнду муннун.
Бюллетеньма би бурэкив,
Дылача урувсипчут ӈэривдечэн.

Дёнчадяӈав би горово
Сокакунма эр тырганива
Он бу Верховнай Советва синмачавун,
Он бюллетеньмав би бум.